.png)
Dy muaj para nisjes së Botërorit 2021 me Çmimin e Madh të Bahreinit, Formula 1 ka zyrtarizuar oraret e provave dhe 23 garave që janë në kalendar. Rikthehen orët fikse për startin e garave, ndërkohë që reduktohen nga 90 në 60 minuta të dyja sesionet e provave të lira të së premtes.
Një pjesë e mirë e garave europiane do të nisin në orën 15:00, pra në orë fikse, ashtu siç administratori i ri i Formulës 1, Stefano Domenikali, kishte bërë të ditur. Starti i sezonit në cirkuitin e Sakhirit është programuar për në orën 18:00 me orën lokale, që do të thotë se do të garohet me drita.
Semaforët e kuq do të fiken në orën 14:00 në Baku për Çmimin e Madh të Azerbajxhanit, ndërsa në Kanada gara do të startojë në orën 20:00. Në Singapor gara nis në orën 21:00, kurse në Meksikë në orën 18:00. Është shtyrë me 8 muaj gara e “Albert Park” në Melburn dhe do të startojë në orën 7 të mëngjesit me orën tonë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
