.png)
Grupi parlamentar i Partisë Socialiste u mblodh paradite, një ditë pasi kreu i grupit Taulant Balla paralajmëroi një padi për 21 Janarin, nisur nga disa prova të reja që kanë dalë në dritë.
Kreu i Grupit të PS, Taulant Balla foli pas mbledhjes së grupit dhe theksoi edhe njëherë se do të depozitojnë kallëzim në SPKam deklaruar se PS është subjekti që ka thirrur protestën e 21 janarit.
"Jemi palë e dëmtuar në atë ngjarje dhe në dritën e provave të reja, një prove që është një audio përgjim që është bërë publik. Bazuar në faktin që dosja penale për vrasjen e Aleks Nikës është një dosje që gjendet në Prokurorinë e Tiranës dhe vazhdojmë ta kërkojmë për të nxitur hetimin nga SPAK për ta hetuar. Në orët në vijim PS do ketë kallëzimin e vet për 21 janarin", tha Balla sipas të cilit tani ka prova të reja dhe i bëri thirrje SPAK që ta rihapë këtë çështeje.
Në fokus të kësaj mbledhje ishin edhe çështjet që lidhen me aktivitetin parlamentar.
Ndër to diskutimi për ndryshimet ligjore sa i përket largimit nga politika të të gjithë atyre që vërtetohen se kanë qenë bashkëpunëtorë të Sigurimit të Shtetit.
Një çështje tjetër që ka mbetur pezull është zgjedhja e një Avokati të ri të Popullit, ku ende nuk ka propozime konkrete nga asnjëra palë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
