Emigrantët shqiptarë kanë nisur protestën e tyre para godinës së kryeministrisë kundër korrupsionit, gjendjes ekonomike dhe varfërisë në vend.
Ndonëse Drejtoria e Policisë së Tiranës nuk ka dhënë leje për protestën, emigrantët kanë përcjellë mesazhe kundër qeverisë.
Protestës i janë bashkuar edhe një grup studentësh si dhe banorët e zonës së Unazës së Re që protestojnë kundër shembjes së banesave të tyre prej 55 ditësh.
Në protest janë edhe artistët, të cilët vijojnë të këmbëngulin për të mos shembur godinën e Teatrit Kombëtar.
Një nga organizatorët e kësaj proteste është Genc Sejko, një person i cili njihet ndryshe si “njeriu i memeve”.
Ky i fundit jeton prej vitesh në Britaninë e Madhe por herë pas here ka ironizuar nëpërmjet "memeve" politikanë të ndryshëm shqiptarë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.