.png)
Gazeta Si – Kryeministri izraelit, Benyamin Netanyahu, ka urdhëruar aparatin e mbrojtjes që të përgatisë planet për evakuimin e civilëve në zonën e Rafah, në jug të Rripit të Gazës. Lajmi është bërë i ditur nga zyra e kryeministrit.
"Nuk është e mundur të arrihen objektivat e luftës për eleminimin e Hamas-it, duke lënë katër bataljone të tij në Rafah, - ka thënë Netanyahu. – Është e qartë se një operacion i fuqishëm në Rafah kërkon largimin e civilëve nga zona e luftimit”.
Sipas kryeministrit izraelit, duhet një plan i dyfishtë: njëri për eliminimin e bataljoneve të Hamas-it dhe tjetri për evakuimin e popullsisë.
Nga burime lokale dhe dëshmitarë okularë është mësuar se forca të reja të sigurisë egjiptiane kanë mbërritur pranë Rafah në Rripin e Gazës për të mbrojtur kufirin. Vetëm pak kilometra më tej janë grumbulluar gati 2 milionë palestinezë, të shtyrë nga bombardimet izraelite, që kanë shkuar tashmë përtej kufirit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
