Gazeta Si – Derbi i sotëm i kryeqytetit, Tirana-Partizani, është pak më i veçantë se të tjerët. Është derbi që vendos shumë për titullin kampion të këtij sezoni, me Partizanin që vjen në rolin e ‘sfidantit’, pasi është 2 pikë prapa.
Një fitore e mundshme e Tiranës do ta thellonte diferencën në 5 pikë, që do të thotë se titulli do të mbetet bardheblu. Brazimi do të linte gjithçka të hapur, kurse fitorja e Partizanit do të thotë ndërrim vendesh në renditje mes dy skuadrave dhe më shumë shanse për të kuqtë, duke pasur parasysh anën morale dhe kalendarin.
Shehi është i penalizuar nga mungesat në formacion, që janë jo pak, por tre: Behiratçe, Hila dhe Hasani. Tirana ka alternativa, por stoli do të jetë i varfër në këtë derbi. Trajneri është munduar të largojë presionin nga skuadra e tij, duke theksuar se titullin nuk mbyllet në derbin e sotëm.
Pak më i drejtpërdrejtë trajneri italian i Partizanit. Kolela e ka thënë qartë se vetëm fitorja ndaj Tiranës hihap çështjen e titullit. Të kuqtë vijnë në këtë ndeshje me një skuadër më të plotë dhe pa presion, pasi nuk kanë çfarë të humbasin.
Tifozëria pastaj ka pjesën e vet, sidomos ajo e Tiranës, që do të jetë në maxhorancë në ‘Air Albania’. Interesimi për bileta këtë herë, duke parë edhe situatën, ka qenë më i lartë se asnjëherë më parë. Tani fjalën e kanë dy skuadrat në fushë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.