.png)
Ata kanë tre vite diferencë, 77 ai, 74 ajo. Janë bashkë që prej një jete: më shumë se sa gjysmë shekulli martesë.
"Kur babi u shtrua në spital për atë pneumoni të shëmtuar, dëgjoheshim çdo ditë në telefon: shqetësimi i tij nuk ishte pse gjendej në spital, por sepse kishte lënë vetëm të shoqen", tregon për "Il Corriere" Edoardo, i biri i Giorgio Franzini, burrë prej të tjera kohësh që emocionohet në atë foto në të cilën përqafon të shoqen Rosa dhe e shtrëngon pas vetes mbas një muaji të larguar nga njëri-tjetrit.
Të dy gjenden në spitalin e Cremonas. Giorgio është shtruar më 16 mars, pas disa ditësh shtruan dhe të shoqen.
"Nuk donim t'i tregonim që të mos e shqetësonim - rrëfen i biri Edoardo - Mjekët kujtojnë se babai vazhdonte t'u shpjegonte sanitarëve se sa i mungonte e shoqja. Pas do një jave mësoi se në spital gjendej një Rosa Rosa që kërkonte ta përshëndeste. E zbuloi aty që ndodheshin të dy në të njëjtin spital, vetëm një kat larg njëri-tjetrit".
Tanimë që të dy janë mirë, dy kryeinfermieret, Manuela Denti e Carla Garello, kanë organizuar një surprizë: i kanë shpënë në të njëjtën dhomë për ti takuar pas shumë ditësh. Fotoja e takimit të tyre ka marrë dhenë në internet.
"Ai përqafim - vazhdon Edoardo - ka emocionuar familjen tonë, saqë edhe vajza ime katër vjeç ka nisur të përgatisë vizatimë për t'ua shpënë gjyshërve".
"Është një ndodhi që rrëfen dashurinë e vërtetë: mami dhe babi janë shumë të lidhur, janë sëbashku që prej 60 vitesh, nuk ndahen kurrë nga njëri-tjetri. Edhe në spital, kur mësuan se ishin të dy të shtruar në të njëjtën strukturë, qëndronin në telefon për orë të tëra nga njëra dhomë në tjetërn", thot i biri. Giorgio, që në atë foto emocionohet, tanimë është dyshues: "Kemi dalë në të gjitha mediet?", pyet të birin.
E mandej bën shaka: "Si yjet e famshme!". Mjekët do të bëjnë të pamundurën për t'i nxjerrë nga spitali në të njëjtën ditë. Ndërkaq i kanë vendosur tashmë në të njëjtën dhomë, njëri pranë tjetrit, si filli i kuq i gjithë jetës së tyre të kaluar sëbashku. /Corriere.it
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
