.png)
Apeli i GJKKO-së rrëzoi të hënën kërkesën e ish-kryeministrit Sali Berisha, për të marrë pjesë në seancat plenare në Kuvend.
Kërkesa e Berishës lidhet me lejen që ai duhet të marrë pasi ndodhet në arrest shtëpie për shkak të privatizimit të klubit Partizani.
Më herët, SPAK ka argumentuar se ushtrimi i mandatit të fituar nga zgjedhjet për në Kuvend konsiderohet si e papajtueshme siç është e papajtueshme edhe për çdo qytetar tjetër që i nënshtrohet masës 'arrest shtëpie'.
Një muaj më parë, Shkalla e Parë e kësaj gjykate e ka refuzuar këtë kërkesë, duke arsyetuar se ish-kryeministri duhet të qëndrojë në “arrest shtëpie”, i akuzuar për aferën e privatizimit të klubit sportiv 'Partizani".
Avokatët e Berishës argumentojnë se duke qenë se Berisha është deputet, është e drejtë dhe detyrim kushtetues si person i zgjedhur nga sovrani për të ushtruar të drejtat dhe liritë politike sipas Kushtetutës së Republikës së Shqipërisë.
Prej muajit dhjetor, Sali Berisha është në masën e sigurisë “arrest shtëpie” i akuzuar për korrupsion pasiv në privatizimin e ish-kompleksit sportiv Partizani.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
