.png)
Protesta e kësaj mbrëmjeje e banorëve të Unazës së Re është përshkallëzuar. Banorët kanë mësyrë kantierin e firmës "Salillari", i cili ka qenë gjatë gjithë ditës i mbrojtur nga forcat e policisë.
Janë shënuar përplasje me Forcat e Ndërhyrjes së Shpejtë. Ka pasur disa banorë të shoqëruar në komisariat. Banorët kanë bllokuar sërish rrugën në shenjë proteste për projektin e Unazës së Madhe që parashikon prishjen e banesave të tyre.
Ashtu si ditët e tjera, edhe deputetë të opozitës kanë qenë në mbështetje të protestës. Banorët kanë bërë thirrje kundër qeverisë dhe Bashkisë së Tiranës dhe gjithashtu kanë kërkuar dëmshpërblim 100 përqind për banesat e tyre.
Më pas, ata i kanë vënë zjarrin kazanëve të plehrave dhe janë konfrontuar me policinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
