.png)
Gazeta Si – Vetëm pak ditë pasi u largua nga ekipi i Ballkanit, ekipi kampion në Kosovë, Nderim Nexhipi është prezantuar si drejtori i ri sportiv i Manisas. Një hap i madh i rëndësishëm në karrierë për ish-kapitenin e Partizanit.
Nexhipi tashmë merr një rol të rëndësishëm në krye të klubit të ligës së parë turke. Ish-futbollisti i njohur, me origjinë nga Maqedonia e Veriut, do të drejtojë merkaton e klubit turk dhe mund të jetë një urë e mirë bashkëpunimi me elementë cilësorë të futbollit shqiptar.
⚫️⚪️ Manisa FK'da idari direktörlük görevine Nderim Nexhipi getirildi. 🆕 https://t.co/yb74DWn0Th
— A Spor (@aspor) June 24, 2023
Më parë Nexhipi ka mbajtur postin e drejtorit sportiv te Kukësi në Superiore dhe pastaj te Ballkani në Kosovë. Me këtë të fundit ishte pjesë e atij suksesi të madh me dy titujt kampion dhe kualifikimin deri në fazën e grupeve të Ligës së Konferencës.
“Jam i lumtur që jam pjesë e Manisës, falenderoj presidentin për mundësinë e dhënë. Duam të ndërtojmë një skuadër që të fituese. E ndjek futbollin turk prej vitesh dhe jam këtu për arritje të reja në karrierë. Do të bëjmë gjithçka që Manisa të shkojë në Superligë”, - ka thënë Nexhipi gjatë prezantimit.
Pas Igli Tares, mjaft i suksesshëm te Lacio dhe i larguar vetëm disa ditë më parë, një tjetër drejtor sportiv shqiptar do ta ushtrojë këtë detyrë jashtë vendit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
