.png)
Monika Kryemadhi hodhi poshtë edhe njëherë tjetër se ka një dallim thelbësor mes opozitarizmit të LSI-së dhe opozitarizmit PD-së, por foli për deklarata dhe qëndrime publike të ndryshme.
E ftuar në emisionin ‘Open’ në Top Channel, kryetarja e LSI, Monika Kryemadhi ka folur në lidhje me marrëdhëniet brenda koalicionit opozitar. Ajo tha se që opozita nuk ka përçarje, por shtoi se mendimet ndryshe në tryezën e opozitës janë mëse normale për aq kohë sa çdo parti ka identitetin e saj.
“Duhet të kuptojmë dy gjëra, është qëndrimi i opozitës së bashkuar dhe është një qëndrim që është shumë i qartë dhe është tjetër gjë se çfarë qëndrimi mban LSI-ja. Mos harroni që është një tryezë e partive opozitare që merr një vendim të unifikuar”, tha ajo.
Kryemadhi i lexon nëntë kushtet e vendosura nga Bundestagu gjerman si provë që Edi Rama po rrëzohet.
“Edi Rama është një njeri që e arriti kulmin e vet dhe tanimë është një kështjellë rëre që do të shpërbëhet pak nga pak. Mjafton të lexosh 9 kushtet e Bundestagut gjerman dhe e kupton se kush është Edi Rama. Mjafton të lexosh raportin e OSBE-ODIHR dhe e kupton se kush është Edi Rama”, shtoi ajo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
