.png)
Është ndarë nga jeta në moshën 80-vjeçare ish-deputeti i PS për qarkun e Korçës, Niko Faber. Ai ka ndërruar jetë për si pasojë e një ataku kardiak mëngjesin e së dielës. Ish deputeti Faber ka qenë deputet në legjislaturën 2001-2005, si pjesë e grupit parlamentar socialist. Edhe pas karrierës në politike, Niko Faber ka qenë tepër aktiv për problematikat e qytetit të Korçës.
Lajmin për humbjen e tij e ka bërë të ditur ish-deputeti dhe ish-ministri i PS, Arben Malaj përmes një statusi në Facebook:
“Një lajm i hidhur për vdekjen e papritur të ekspertit studiuesit dhe deputetit Niko Fabri. Përherë i angazhuar për sfidat e bujqësisë dhe problemet specifike të zonës të tij elektorale. Ngushëllime familjes, miqve dhe kolegëve. I paharruar! U prehtë në paqe! I qofte i lehte dheu i kësaj toke deputetit model, të dashurit Niko Faber! Arbeni’, shkruan Malaj.
Ndërsa Presidenti Ilir Meta është shprehur Faber ishte një njeri me kontribut të madh qytetar jo vetëm në Korçë, por në të gjithë vendin. "Lajm shumë i trishtë dhe befasues për mua ndarja nga jeta e ish-deputetit Niko Faber. Kontributi i Tij publik, si në Korçë dhe në nivel kombëtar do mbetet gjithmonë i nderuar. Do na marrë malli gjithnjë e më shumë për burra të tillë, patriotë, me dinjitet dhe kontribut qytetar. Jam pranë familjes Faberi, të afërmve dhe të gjithë miqve të Tij në këtë ditë tragjike. I përjetshëm kujtimi i Tij", shkruan Meta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
