Gazeta Si – Rreth 200 tifozë të Napolit e kanë kaluar natën pranë hotelit të Milanit. Ata kanë tentuar të mbajnë zgjuar lojtarët dhe stafin kuqezi para ndeshjes së sotme ne Champions me Napolin.
Milani kishte zgjedhur të akomodohej në ‘Hotel Vesuvio’, ku gjatë natës janë kënduar kore kundër Maldinit, Leaos, Zhiru dhe veçanërisht kundër Teo Hernandez. Fishekzjarre dhe zhurmë deri në orët e para të mëngjesit të sotëm. Tifozët napoletanë mbanin edhe një flamur për të shoqëruar koret pro-Osimhen.
Milani e priste një situatë të tillë, por për shkak të udhëzimeve të UEFA-s, ka mbërritur në qytet një ditë para dhe jo ditën e ndeshjes, ndryshe nga ndeshjet e kampionatit.
Klubi e ka parë të arsyeshme që dhomat e lojtarëve të ishin në pjesën e pasme të hotelit, pasi ‘koncerti i natës’ ishte parashikuar. Kjo sfidë Championsi rikthehen në vëmendje ndeshjen e 1 majit 1988, vendimtare për titullin e Milanit të Sakit.
Milani në atë rast zgjdhi ‘Jolly’, hotelin napoletan me dhoma më lart se kati i 30-të dhe shpërndau tapa veshësh për lojtarët. Momenti më dramatik para asaj ndeshjeje nuk ndodhi gjatë natës, me fishekzjarret dhe koret, por në mëngjes. Kuqezinjtë nuk po gjenin dot Marko Van Bastenin, i cili kishte mbetur në ashensor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.