Çështja Bubba Wallace vazhdon të krijojë debat e të gjenerojë tension në Shtetet e Bashkuara. Pas shumë kërkesash të ardhura nga tifozët, Nascar ka publikuar një foto të litarit për varje të gjetur në garazhin e pilotit afro-amerikan në Talladega, Alabama, në 21 qershor, duke konfirmuar dyshimet.
Presidenti i serisë së motorëve amerikanë Steve Phelps ka lëshuar një deklaratë në të cilën pranon se “të 29 cirkuitet ku garon Nascar e 1684 garazhet u kontrolluan, vetëm 11 litarë të thurur u gjetën e vetëm një prej tyre kishte lak: ai në garazhin e Bubba Wallace”. Phelps u shpreh i shqetësuar nga episodi, pavarësisht se një hetim i FBI kishte zbuluar se laku ndodhej aty nga 2019 e se nuk mund të ishte një shenjë kërcënimi me sfond racist.
Wallace është piloti i vetëm me ngjyrë në Nascar e në javët e fundit ishte një nga mbështetësit kryesorë të lëvizjes Black Lives Matter mes sportistëve amerikanë. Iniciativës së tij i detyrohet heqja e flamurit të konfederatës nga garat, i konsideruar një simbol i skllavërisë e të nënshtrimit dhe shtypjes kundrejt komunitetit afro-amerikan.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.