.png)
Gazeta Si - Napoli ka zgjedhur dhe zyrtarizuar trajnerin e sezonit të ri, me të cilin do të kërkojë të mbrojë titullin kampion në Serinë A. Pasuesi i Luçiano Spaletit është Rudi Garsia, që më parë ka drejtuar Romën në Itali.
Së fundi trajneri francez drejtoi Al-Nasr në Arabinë Saudite. Lajmin e ka dhënë vetë presidenti i Napolit, Aurelio De Laurentis, me anë të një postimi në profilin e tij Tuiter, ku shkruan: "Kam kënaqësinë të njoftoj se Rudi Garsia do të jetë trajneri i Napolit. I uroj mirëseardhjen dhe sa më shumë fat!"
Ho il piacere di annunciare che, dopo averlo conosciuto e frequentato durante gli ultimi 10 giorni, il signor Rudi Garcia sarà il nuovo allenatore del Napoli. A lui il più sincero benvenuto e un grande in bocca al lupo!
— AurelioDeLaurentiis (@ADeLaurentiis) June 15, 2023
Garsia ka firmosur një kontratë dyvjeçare, me opsionin për një të tretë. Ai do të përfitojë 2.5 milionë euro në sezon, plus bonuset. Është një njohje e vjetër e futbollit italian, pasi ka drejtuar Romën për dy sezone e gjysmë, nga 2013-a në fillim të 2016-ës. Në atë kohë ka rivalizuar me Juventusin për titullin kampion.
Napoli është skuadra e 9-të në karrierën si trajner për Rudi Garsian, pas Saint-Etien, Dizhon, Le Mansh, Lilë, Olimpik Marsejë, Lion, Al Nasr dhe Roma. Francezi 59-vjeçar preferon skemën 4-3-3.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
