.png)
Marc Marquez ka triumfuar në garën e Japonisë, duke regjistruar suksesin e 10-të. Me këtë fitore ka kapur edhe Mick Doohan. Në garën e tij të vërtetë, atë për të hyrë në librin e e historisë së së motoçiklizmit, Marc Marquez ka arritur një tjetër rekord. Me suksesin në Motegi, duke dalë përpara Quartararo dhe Dovizioso, Marquez arrin pilotin australian në kuotën e 54 fitoreve. Përpara spanjollit tashmë janë vetëm Agostini (68 fitore) dhe Rossi (89 fitore). Këta dy të fundit kanë filluar të shqetësohen tashmë.
Një garë e sigurt nga ana e pilotit spanjoll, e cili e nisi dhe vazhdoi shumë mirë atë, duke mbajtur prapa Quartararo dhe duke i dhënë Hondës edhe titullin e konstruktorëve. Gjithë gara ishte praktikisht dueli mes Marc dhe Quartararo, me këtë të fundit që është sfidanti kryesor i spanjollit në të ardhmen. Por lufta mes tyre nuk zgjati shumë, sepse Marquez krijoi shkëputjen.
Për herë të tretë në katër garat e fundit këta dy pilotë kanë ndarë dy vendet e para. Në vend të tretë ka dalë Dovizioso, i cili u përmirësua në fundin e garës, duke kaluar në finale Vinjales. Rossi nuk arriti ta mbyllte garën. Ai u rrëzua 4 xhiro para fundit, kur mbante vendin e 11-të.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
