.png)
Mjetet e vogla të lundrimit dhe anijet e peshkimit nuk do të lundrojnë në ujërat e qytetit të Vlorës deri më datë 17 dhjetor, për shkak të kushteve atmosferike në vend.
Ndërkohë, lëvizja e anijeve të transportit ndërkombëtar detar, do të vazhdojnë të operojnë normalisht.
Në qytetin e Durrësit, autoritetet portuale kanë lajmëruar po ashtu për një përkeqësim të motit deri në pasditen e 17 dhjetorit dhe ka kërkuar marrjen e masave të nevojshme nga drejtuesit e mjeteve lundruese për të qenë të sigurt dhe parandaluar çdo rrezik të mundshëm për shkak të kushteve të përkeqësuara të motit.
Sipas njoftimeve, moti pritet të optimizohet rreth orës 16:00 të shtunës së 17 dhjetorit, kur lundruesit dhe peshkatarët mund të rikthehen normalisht në aktivitetet e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
