.png)
Hetimi tatimor ka penalizuar1422 biznese për moszbatim të ligjit në lidhje me përdorimin e kasave fiskale dhe moslëshim të kuponit tatimor. Vlera në lekë e penalizmit është 45 milionë lekë.
Pikat e tregtimit të karburanit në të gjtihë vendin dhe subjekte të tjera (4170 në numër) që ushtrojnë veprimtarinë e tyre në Tiranë, Fier, Durrës, Elbasan, Korçë, Shkodër, Berat, Lezhë, Gjirokastër, Vlorë, Kukës, Dibër, Sarandë kanë qenë pjesë e kontrolleve të Hetimit Tatimor për muajin tetor.
Nga kontrollet, 18 tatimpaguesve u janë bllokuar ambientet për 30 ditë kalendarike, për moslëshim kuponi tatimor (hera e dytë). Gjithashtu janë bllokuar ambientet e 6 tatimpaguesve për shkeljen e mosinstalimit të pajisjes fiskale (hera e dytë);
335 tatimpagues janë konstatuar me shkelje të moslëshimit të kuponit tatimor (hera e parë);
344 tatimpagues janë konstatuar se dispononin mallra pa dokumentacion tatimor;
163 tatimpagues janë penalizuar për mosdeklarim të punonjësve, ndër të cilët 32 janë me përgjegjësi tatimore “biznes i vogël” dhe 131 subjekte me përgjegjësi tatimore “biznes i madh”;
106 tatimpagues janë konstatuar të paregjistruar në organet tatimore, për të cilat është marrë masat e bllokimit, deri në momentin e regjistrimit të tyre si subjekt i TVSH-së;
74 tatimpagues janë konstatuar se nuk kanë pasur të instaluar pajisjet fiskale dhe 81 të tjerë nuk i mbanin në gjendje pune.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
