SPAK ka mbyllur hetimet në lidhje me Joana Duron, ish-sekretaren e Përgjithshme të Ministrisë së Shëndetësisë dhe ka dërguar çështjen për gjykim në GJKKO.
Joana Duro akuzohet për veprën penale “Korrupsioni pasiv i funksionarëve të lartë shtetërorë ose i të zgjedhurve vendorë”.
Gjithashtu, edhe zyrtarja e lartë të shërbimeve publike Laura Sheto, administrator i një kompanie Vladimir Topi dhe inxhinieri i kompanisë, Silvi Sheto akuzohen për të njëjtën vepër penale.
SPAK, njofton se nga aktet e administruara ka rezultuar se e pandehura Joana Duro ka përfituar në mënyrë të parregullt vlerën monetare prej 330.000 (treqind e tridhjetë mijë) mijë lekë për të favorizuar shoqërinë “Dricons” sh.p.k, e cila ka fituar fazën e parë të tenderit të shpallur nga Ministria e Shëndetësisë dhe Mbrojtjes Sociale për LOT 1.
SPAK thekson se nga hetimi me metoda speciale është dokumentuar fakti i dërgimit të shumës së parave prej 330 000 Lekë nga ana e të pandehurës Laura Shteto tek e pandehura Joana Duro, kjo e fundit me detyrë Sekretare e Përgjithshme në Ministrinë e Shëndetësisë dhe Mbrojtjes Sociale.
Kjo shumë parash i është dorëzuar të pandehurës Joana Duro në zyrën e saj në Ministrinë e Shëndetësisë dhe Mbrojtjes Sociale, ku dhe është bërë kapja në flagrancë e saj dhe sekuestrimi i kësaj shume monetare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.