.png)
Gazeta Si - Apeli i Gjykatës së Posaçme kundër Korrupsionit dhe Krimit të Organizuar, ka lënë në fuqi vendimin e Shkallës së Parë për dënimin me 3 vite shërbim prove të ish-gjyqtares së Korçës, Mimoza Margjeka për ryshfet.
Me vendimin e Apelit, dënimi merr formë të prerë. Margjeka është ndaluar gjithashtu që për 5 vite të mos ushtrojë funksione publike.
Ajo u dënua me akuzën se kishte marrë 6 mijë euro ryshfet për të liruar një person të arrestuar për transport emigrantësh.
Apeli la në fuqi edhe dënimin me 4 vite burg për bashkëshortin e saj Arben Cara, me akuzën se ishte personi që kishte marrë paratë për t’ia dhënë gruas së tij gjykatëse.
Edhe për personat e tjerë të përfshirë, Apeli la në fuqi të njëjtin dënim; Klaudio Zhilla me 3 vite burg, Skënder Demiraj me 3 vite shërbim prove dhe Nejton Bali me 2.4 vite shërbim prove.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
