.png)
Një cilësim për gjurmimin e Covid-19 është shfaqur në telefonat Android dhe iPhone pas azhurnimit të sistemeve të tyre operativë.
Cilësimi i quajtur "njoftim i ekspozimit" lejon që aplikacioni të masë distancën midis dy telefonave dhe pastaj të paralajmërojë pronarin e telefonit nëse dikush që ka qenë pranë tyre ka rezultuar pozitiv me Covid-19.
Edhe pse shumë i domosdoshëm përditësimi ka shkaktuar një konfuzion, me njerëzit që kërkojnë të kenë më shumë informacion shtesë.
"Ky nuk është një aplikacion i ri, por është një element shtesë i shtuar në sistemet e funksionimit të telefonave për të mundësuar zhvilluesve të aprovuar që të ndërtojnë aplikacione, që potencialisht mund të paralajmërojnë për afërsinë e individëve të infektuar", tha eksperti i teknologjisë Alan Woodward, nga universiteti Surrey.
Në iPhone është gjetur në aplikacionin e cilësimeve, përmes menusë së intimitetit dhe më pas nën-seksionin e aplikacionit të shëndetit. Në telefonat Android është në seksionin Google shërbimet dhe preferencat e menusë së cilësimeve.
Ky mjet është pjesë e këtij bashkëpunimi midis gjigandëve të teknologjisë. Kjo u mundëson aparateve të shkëmbejnë të dhëna dhe të paralajmërojnë njerëzit nëse ata kanë qenë pranë dikujt që është infektuar me koronavirus. Burimi:BBC/ Përktheu:Gazeta "Si"
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
