.png)
Gazeta Si – Janë shtuar masat e sigurisë sot para qendrës stërvitore të PSG-së dhe pranë shtëpive të disa lojtarëve të saj, si Nejmar, Mesi dhe Verrati. Një grup tifozësh të tërbuar ka reaguar fuqishëm ndaj klubit dhe lojtarëve për rezultatet e fundit, si dhe për çështjen ‘Mesi’.
Këta tifozë kanë kontestuar situatën e fundit pranë selisë së klubit. "Mjaft me mercenarë! Të lërgohen Mesi dhe drejtuesit”, ishte mesazhi e tifozëve parisienë, rreth 100 ultras të veshur me të zeza. Me tymuese dhe parulla ata kanë sulmuar kampionin e botës me "hijo de puta" (bir ku…).
Në shënjestrën e tifozëve ishte Mesi i pari, por edhe Verrati. "Të rritëm, por nëse je burrë, tani largohu”, - ishte kori drejtuar mesfushorit italian. Janë kontestuar po ashtu Nejmar, trajneri Kristof Galtier dhe presidenti Al Khelaifi, i akuzuar si një drejtues i munguar.
Një grup tifozësh u shkëputën nga turma për të shkuar te rezidenca e Nejmarit. Ata kanë bërë me dije se do të protestojnë çdo natë. Braziliani ka reguar me një postim, duke dhënë mesazhin "mos i lejoni njerëzit t’ju tërheqin në stuhinë e tyre, merrini në paqen tuaj".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
