.png)
Konferenca e Kryetarëve futi të hënën në kalendarin e punimeve të Kuvendit kërkesën për interpelancë urgjente nga Grupi Parlamentar i Partisë Demokratike drejtuar kryeministrit Edi Rama për dosjen “McGonigal”.
Interpelanca mësohet se do të zhvillohet ditën e enjte në Kuvend në një kohë kur të pranishëm do të jenë deputetët e grupit “Alibeaj” pasi Berisha është përjashtuar për 10 ditë nga punimet e Kuvendit bashke me katër deputetë të tjerë.
Gjatë mbledhjes së konferencës, përfaqësuesja e PD, Flutura Açka ka ngritur shqetësimin për mënyrën se si u mbyll seanca e shkuar duke shmangur debatin për zyrtarin e lartë të arrestuar të FBI-së.
"Po ndodh fashistizimi i Parlamentit. Në nuk jemi as prokurorë dhe as inkuizitorë por jemi mandatuar të kërkojmë llogari dhe mbyllja e seancës është shkelje e Rregullores së Parlamentit dhe Kushtetutës së Republikës", - mësohet të ketë thënë deputetja demokrate.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
