Miliarderai merikan Jeff Bezos do të niset sot në një udhëtim në hapësirë.
Themeluesi i Amazon do të fluturojë në hapësirë në një raketë të ndërtuar nga kompania e tij e turizmit hapësinor Blue Origin Fluturimi do të nisë Teksasi dhe do të transmetohet drejtpërdrejt.
Miliarderi do të shoqërohet nga vëllai i tij, Mark, studenti 18-vjeçar Oliver Daemen dhe 82-vjeçari Wally Funk, një aviatore profesioniste në pension.
Fluturimi vjen tetë ditë pasi miliarderi britanik Richard Branson shkoi në hapësirë për një fluturim të shkurtër.
Por ndryshe nga raketa Branson, e cila kërkonte dy pilotë, raketa më të cilën do të udhëtojë Bezos është tërësisht e automatizuar. Deri më tani ka ndërmarrë 15 fluturime, por fluturimi i së martës do të jetë i pari me një ekuipazh njerëzor.
Duke folur për NBC News të hënën, Bezos hodhi poshtë çdo xhelozi ndaj Branson për faktin se ai kishte udhëtuar në hapësirë para tij, duke thënë: "Ju e dini që ka një person që ishte personi i parë në hapësirë. Emri i tij ishte Yuri Gagarin dhe kjo ndodhi shumë kohë më parë. Pra, nuk bëhet fjalë për një konkurs. Kjo ka të bëjë me ndërtimin e një rruge në hapësirë në mënyrë që brezat e ardhshëm të arrijnë të bëjnë gjëra të pabesueshme në hapësirë," shtoi ai.
Ai zgjodhi 52 vjetorin për udhëtimin e tij të parë në hapësirë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.