.png)
Gazeta Si – Në horizont një çerekfinale mjaft tërheqëse në Ligën e Kampionëve ndaj një Napoli dominues në kampionat dhe shpërthyes në Europë. Por Milani i tanishëm është ndryshe. Humbja e shëmtuar në Udine, e katërta në në 5 transfertat e fundit në Serinë A, vë në rrezik serioz vendin e 4-t dhe Championsin për sezonin tjetër.
Vetëm 1 pikë në 3 ndeshjet e fundit, ajo e barazimit me Salernitanën, pastaj humbjet në Firence dhe Udine. Pioli ndryshoi rreshtimin nga 4-2-3-1 në 3-4-2-1 për ta nxjerrë skuadrën nga ujërat e turbullta, por eksperimenti vlejti vetëm deri një një farë pike. Sërish krizë rezultatesh, por edhe identiteti.
Mbrojtja fut ujë: 6 gola të pësuar në 3 ndeshjet e fundit dhe në 2023-shin, - 4 fitore në 12 ndeshje, - është më e keqja e Serisë A, pas asaj të Kremonezes. Dhe sulmi, pa Zhiru ndaj Udinezes për shkak kartonësh, vuan për të gjetur golin. Alternativat nuk japin garanci.
Ngushëllimi i vetëm në një mbrëmje aq të trishtë është goli i Ibrahimoviç, që vendosi rekord. Suedezi ka karizëm dhe personalitet, por karta e identitetit nuk gënjen më askënd.
Një qasje e gabuar në ndeshjen e fundit ajo e kuqezinjve. Gjatë 20 minutave të para Udineze ishte padrone e fushës dhe me meritë në avantazh. Reagimi i Milanit ishte i vonshëm dhe konfuz. Mungonte shtysa e Teo Hernandez në të majtë. Francezi ishte me grip dhe nuk luajti, munguan edhe depërtimet e Leaos.
Ndryshimi taktik nuk e ka ndryshuar as Leaon, ka humbur shkëlqimin dhe besimin në vetvete. Pioli pranoi pas ndeshjes se mund të kthehet te skema e mëparshme. Zgjidhjen duhet ta gjejë gjatë ndërprerjes së kampionatit, që mund t’i shërbejë shumë Milanit, sepse vendi i 4-t është thelbësor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
