.png)
Gazeta Si – Milani dominon ndaj Atalantës së Gjimshitit dhe barazon Interin në vend të dytë, me 47 pikë. Autogoli i portierit Muso dhe goli i Mesias në fund i dhanë fitoren skuadrës së Piolit. Pas 280 ditësh, në fushë është kthyer Ibrahimoviç.
Kuqezinjtë mposhtën 2-0 Atalantën në një sfidë Championsi dhe tashmë ndajnë vendin e dytë me Interin, me pikë të barabarta. Një sukses plotësisht i merituar për Milanin, që e dmonoi totalisht këtë 90-minutësh.
Ndeshja në ‘San Siro’ u zhbllokua nga një atugol i Musos, i cili ishte pa fat, teksa me shpinë e çoi topin në rrjetë, pasi gjuajtja e Teo Hernandez ishte stampuar në shtyllë. Katër minuta para fundit Mesias mbylli llogaritë me golin e dytë.
Maignan, i rikthyer pas 5 muajsh, nuk pati asnjë rrezik nga sulmuesit e Atalantës. Në fund minuta edhe për Ibrahimoviç. Berat Gjimshiti, mbrojtësi i Kombëtares, ishte në fushë për 90 minuta tek Atalanta.
Pak orë më parë Interi ishte mundur në fushën e Bolonjës, 1-0. Orsolini shënoi golin me vlerën e tri pikëve për skuadrën vendëse, ndërsa trajneri Inzagi ka pranuar se skuadra vuan në transfertë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
