.png)
Gazeta Si – Koha për vizitat mjekësore dhe pastaj firmat, si te Milani, ashtu edhe te Juventusi. Kuqezinjtë kanë përforcuar mesfushën, kurse bardhezinjtë sulmin.
Ruben Loftus-Çik mund të quhet një lojtar i Milanit. Mesfushori në pronësi të Çelsit mbërriti të mërkurën në Itali dhe sot po kryen vizitat mjekësore në "La Madonnina". Gjatë pasdites anglezi do të jetë në selinë e Milanit, ku do të takojë drejtuesit e klubit dhe do të firmosë kontratën deri në 2028-ën. Te Milani shpresojnë për një goditje si ajo e mbrojtësit Tomori, i ardhur pikërisht nga Çelsi.
Te Juventusi është dita e Timoti Ueah, djali i Xhorxh Ueah, fitues i “Topit të Artë” kur luante me Milanin. Sulmuesi anësor do të hapë merkaton e verës për Juventusin, pas konfirmimeve të Milik dhe Rabiot. Lojtari i datëlindjes 2000 luan për kombëtaren amerikane, ai kërkonte me ngulm Serinë A dhe tashmë ka zbarkuar në Torino për të veshur fanellën bardhezi.
Juventusi ka arritur një akord me Lilën për 12 milionë euro, ndërsa lojtari do të firmosë për 5 vjet. Fillimi zyrtar i aventurës italiane për Ueah është parashikuar për më 10 korrik, kur do të grumbullohet skuadra dhe ai do të jetë nën urdhrat e Alegrit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
