Presidenti iu bashkua sot fushatës së sensibilizimit për të dhuruar gjak në ndihmë të fëmijëve talasemikë. Situata e rëndë, shkaktuar nga COVID-19, ka bërë që personat në nevojë, veçanerisht ata talasemike, të mbeten pa transfuzion gjaku duke rrezikuar kështu shëndetin e tyre.
Në dalje kreu i shtetit i bëri thirrje dhe qytetarëve të respektojnë të gjitha udhëzimet e autoriteteve shëndetësore si dhe kufizimet pasi janë të rëndësishme për jetën e tyre.
“Çdo sjellje e pakujdesshme mund të rezultojë fatale. Nuk kemi nevojë për të bërë eksperimente. Është e rëndësishme të respektohen të gjithë udhëzimet e autoriteteve të shëndetit publik dhe kufizimet. Kufizimet nuk duhen konsideruar si privim por mbrojtje e domosdoshme në këto moment kritike", deklaroi presidenti.
Kreu i shtetit më pas u përgjigj edhe për faktin se kur do të mblidhet edhe Këshilli Kombëtar i Sigurisë për masat e marra nga ana e qeveris për parandalimin e përhapjes së virusit.
“Kjo padyshim që do të ndodhë në kohën e duhur, por duhet të kuptojmë që edhe policia dhe ushtria është në funksion të garantimit të rregullit dhe disiplinës që i mbron qytetarët nga pakujdesia dhe është një mundësi për të dhënë ndihmën dhe kontributin në çdo rast të domosdoshëm që do të paraqitet. Kjo nuk përballohet vetem me mjekë e infermierë, por angazhim të gjithë strukturave shtetërore.” -u shpreh Meta.
Gjithashtu presidenti bëri apel dhe reflektim dhe bashkëpunim për këtë situatë që po përjeton Shqipëria, duke mos mos dhënë një vlerësim negativ për masat e dhëna nga qeveria.
"Kjo është një krizë e re po jo vetëm ne, por edhe për vendet e tjera, ju e shikoni dhe ndryshimet pothuajse në çdo ditë qasja e udhëzimeve të OBSH apo dhe qasja e të vendeve të ndryshme dhe se kështu çdo ditë do të përmirësohet mekanizmi reagues, parandalues, izolues dhe për këtë duhet bashkëpunimi dhe dhe reflektimi i të gjithëve, solidariteti i të gjithëve", theksoi kreu i shtetit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.