Politike

Meta në familjen Avdia: Një vrasje e paralajmëruar  

Kryetari i Partisë së Lirisë, Ilir Meta, ishte për një vizitë ngushëlluese  në familjen Avdia në Tiranë, pas vdekjes se një  7-vjeçare në plazhin e Potamit, si e pasojë e përplasjes nga një skaf i drejtuar nga një ish-komisar Policie

“...Ishte një tragjedi që nuk ka justifikim nga askush. Jo vetëm nga autori i papërgjegjshëm, por edhe nga shteti, qeveria dhe bashkia, pasi ekziston një legjislacion për sigurinë në plazhe, i cili nuk është respektuar në elementë të tij. Është një vrasje e paralajmëruar sepse kanë ndodhur raste të tilla edhe më parë. Para pak kohësh kanë ndodhur plagosje që për fat të mirë pa pasoja në vdekje dhe askush nuk e ka vënë ujin në zjarr. Një papërgjegjshmëri totale. Në një moment duhet të shfaqet pendesa, por edhe marrja e vendimeve të qarta, në të njëjtën moment na shpallet se Shqipëria ka qenë si vjet e para në rajon sa i takon sigurisë në plazhe dhe turizmit. Nuk ka tallje dhe fyerje më të madhe për popullin shqiptar”, tha  Meta.


Copyright © Gazeta “Si”


Më Shumë