.png)
Presidenti Ilir Meta thotë se i ka kërkuar Qeverisë që të nisë sa më parë përditësimin e legjislacionit dhe të hartës fizike të riskut sizmik për Shqipërinë.
“Fillimin e punës sa më parë, për azhornimin dhe kompletimin e një Harte të re Fizike të Riskut për Shqipërinë në të cilën do të përfshihen dhe saktësohen zonat me rrezik sizmik, si dhe të gjitha territoret e kërcënuara nga erozionet, përmbytjet, rrëshqitjet, zjarrjet, etj”, thotë Presidenti.
Një pikë tjetër është zbatimi i detyrueshëm në të gjithë vendin i eurokodeve për ndërtimet civile dhe objektet e banimit.
Pika e tretë është plotësimi i legjislacionit të planifikimit urban me elementë të rinj sigurie, sipas procedurave bashkëkohore në projektimimn dhe ndërtimin e objekteve të ndërtimit.
Në fund, Presidenti kërkon që në buxhetin e vitit të ardhshëm të parashikohet përballimi i pasojave të tërmetit dhe planifikohet mbështetja e domosdoshme financiare për institucionet përkatëse të kërkimit shkencor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
