.png)
Presidenti i Republikës Ilir Meta zhvilloi një bashkëbisedim, nëpërmjet një video-konference, me përfaqësuesit e “Europa Nostra”.
Gjatë bisedës, Presidenti Meta tha se, “shembja e paligjshme e Teatrit Kombëtar është çështje kushtetuese, e trashëgimisë historike dhe identitetit kombëtar, tashmë edhe një çështje europiane”.
“Në këtë kontekst u ra dakord për domosdoshmërinë e nisjes së një hetimi ndërkombëtar mbi këtë çështje dhe informimin e mëtejshëm të niveleve më të larta europiane”, thuhet në njoftimin për shtyp të Presidencës.
“Europa nuk është vetëm euro, por edhe kulturë, solidaritet, humanizëm dhe identitet. Teatri Kombëtar ishte dëshmori i parë i Bulevardit ‘Dëshmorët e Kombit’, por demokracia dhe kultura europiane do fitojë”, - u shpreh ndër të tjera anëtari i bordit të “Europa Nostra”, Profesor Paolo Vitti.
"Nga sot më konsideroni edhe mua anëtarin më të ri të 'Europa Nostra' ", - u shpreh Presidenti Meta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
