Gazeta Si – Lionel Mesi pushton menjëherë Amerikën. Pas golit me goditje dënimi në shtesën e ndeshjes ndaj Kruz Azul, mbrëmjen e së martës ai ka bërë edhe më mirë. Ai realizoi një dygolësh ndaj Atlanta Junajtid në fitoren 4-0 të Inter Majemit.
Kampioni i botës ka dhënë gjithashtu edhe një asit për Robert Tejlor, edhe ky autor i dy golave. Ardhja e Mesit e ka ndezur skuadrën, e fundit në klasifikimin e MLS-së para se të vinte argjentinasi.
Mes tifozëve ka shpërthyer 'Mesi-mania' në Florida, përfshirë edhe personazhet VIP, që tashmë janë gjithmonë të pranishëm në impiantin e ‘Fort Lauderdale’. I mjaftuan 22 minuta yllit argjentinas për të lënë shenjë, fillimisht duke çuar në rrjetë topin që më parë e kishte përlasur vetë në shtyllë, më pas duke mbyllur një trekëndësh perfekt me Tejlor.
"Të luash me të është një ëndërr e bërë realitet, - ka thënë mesfushori finlandez. – Sjell kaq shumë kualitet në fushë, saqë përfitojmë të gjithë".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.