Gazeta Si – “Nuk do të kthehem te Barcelona, do të shkoj tek Inter Majemi". Lionel Mesi, 36 vjeç më 24 qershor, ka bërë të ditur vetë destinacionin e radhës në një interviste për mediet katalanase ‘Mundo Deportivo' dhe 'Sport'.
Argjentinasi, pavarësisht takimit të babait të tij Jorge me presidentin e Barcelonës Joan Laporta, nuk kthehet te katalanasit. Ai nuk do të shkojë as në Arabi, ku e mbulonin me ar, por do të luajë në MLS, në Amerikë.
Sulmuesi, në fund të kontratës me PSG-në, ka vendosur të pranojë ofertën e Inter Majemit, ku një nga pronarët është edhe ish-futbollisti i famshëm anglez, Devid Bekham.
Mesi donte të luante edhe një vit në Europë, por në mungesë të ofertave të kënqshme, duhej të zgjidhte mes MLS-së dhe Al Hilalit. Në fund preferoi të transferohet në Amerikë edhe për arsye jashtë futbollit. Mundësia e të jetuarit në SHBA do të bëjë që ai të firmosë akorde të rëndësishme komerciale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.