.png)
Kancelarja gjermane Angela Merkel i ka kërkuar sot Bundestangut të miratojë një ligj të ri që detyron udhëheqësit rajonalë të vendosin orën policore dhe të vendosin bllokime sapo infeksionet e koronavirusit të fillojnë të rriten.
"Fatkeqësisht më duhet ta them përsëri sot: situata është serioze, shumë serioze dhe të gjithë duhet ta marrim seriozisht," ka thënë Merkel gjatë një seance parlamentare këtë mëngjes.
Ajo thotë se vala e tretë e ka goditur fort Gjermaninë dhe punonjësit e kujdesit shëndetësor po i kërkojnë ndihmë qeverisë çdo ditë. "Punonjësit e kujdesit intensiv po na marrin në telefon. Kush jemi ne që të injorojmë lutjet e tyre?"
Merkel u përplas edhe me partinë e ekstremit të djathtë Alternativa për Gjermaninë (AfD), e cila kundërshton vendosjen e bllokimeve.
Mbështetësit e këtij projektligji argumentojnë se ndërmarrja e masat është urgjente tani. Ata thonë se kur një votim përfundimtar do të merret të mërkurën e ardhshme, me miratimin e dhomës së sipërme të Bundestangut, do të jetë tepër vonë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
