.png)
Gazeta Si – Marselo Brozoviç është drejt largimit nga Interi. Lojtari kroat është i hapur ndaj çdo ofertë dhe skenari të klubit zikaltër. Ai nuk ka më besimin e një viti më parë, kur drejtusit bënë gjithçka për rinovimin, sot është shumë e komplikuar për një akord, kështu që largimi i mesfushorit duket i sigurt.
Si rrjedhojë rriten shanset për një aktivizim më të madh të Kristian Asllanit, lojtarit të Kombëtares shqiptare që u ble një vit më parë nga Interi pikërisht si zëvendësues i Brozoviçit. Sezonin e parë elbasanasi pati shumë pak minuta nga trajneri Inzagi, për sezonin e ri situata ndryshon paksa.
Në fakt, klubi do të kërkonte një lojtar të gatshëm për të mbushur boshllëkun e lënë nga Brozoviç, jo një të ri perspektive si Asllani, megjithatë hapësirat detyrimisht do të jenë më të mëdha për lojtarin kuqezi. Ai është më i pjekur tashmë, ndërsa lojtari që mund të blihet kërkon kohën e përshtatjes.
Fratezi i Sasuolos është emri më i lakuar për momentin, ndërsa ëndrra është Milinkoviç-Saviç. Asllani në anën tjetër ka për detyrë t’i tregojë trajnerit Inzagi se vërtet meriton më shumë minuta nga sa i ka dhënë ai deri tani.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
