.png)
Gazeta Si – Një delegacion i klubit arab në Kroaci ka bindur mesfushorin: 100 milionë euro në 3 vjet për futbollistin, që largohet nga Interi. Shuhen edhe shpresat e Barcelonës.
Marselo Brozoviç i ka thënë ‘Po’ Al-Nasr, ekipit ku luan Kristiano Ronaldo. Disa përfaqësues të klubit arab kishin shkuar në Kroaci me misionin për ta bindur lojtarin dhe ia kanë arritur qëllimit. Mesfushori i Interit ka pranuar ofertën, pasi janë plotësuar të gjitha kërkesat e tij ekonomike.
Brozoviç do të përfitojë 100 milionë euro në tre vjet mes pagës deri në 2026-ën, bonuseve dhe firmës. Vizitat mjekësore janë programuar për të premten. Barcelona, që ishte e interesuar për 30-vjeçarin, nuk pati kurrë forcën ekonomike për të rivalizuar me arabët. Katalanasit, para se të blejnë, duhet të shesin, ndaj dhe Brozoviç ishte mërzitur duke pritur.
Interi përfiton nga shitja e kroatit rreth 23 milionë euro, që do të investohen menjëherë për blerjen e Davide Fratezit. Lojtari nuk e preferonte shumë kalimin në Arabinë Saudite, me përjashtim të ndonjë oferte shumë tunduese, që në fakt erdhi sot në mbrëmje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
