.png)
Nga Gazeta ‘Si’-Drejtoria e Përgjithshme e Tatimeve njoftoi se është mbyllur faza e parë e aplikimeve për programin “Paqja Fiskale”, e cila, sipas institucionit, përfundoi pa u konstatuar asnjë rast i pastrimit të parave.
Gjatë kësaj periudhe u regjistruan 62 aplikime, ndërsa u finalizuan 19 marrëveshje.
Sipas Tatimeve, programi u ofron bizneseve mundësinë të formalizojnë vullnetarisht detyrimet e tyre, duke përfituar nga përjashtimi nga kontrollet tatimore në terren dhe një normë tatimi preferenciale prej 5%.
Aplikimet për “Paqen Fiskale” do të rihapen në dy periudha të tjera: nga 1 deri më 15 prill 2027 dhe nga 1 deri më 15 prill 2028.
Drejtoria e Përgjithshme e Tatimeve u bën thirrje subjekteve të përfitojnë nga kjo mundësi formalizimi, me synimin për të nxitur një treg më të drejtë dhe transparent, për të forcuar konkurrencën e ndershme, për të mbrojtur konsumatorët dhe për të afruar praktikat me standardet e Bashkimit Evropian.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje