Gazeta Si - "Vitin e ardhshëm do të luaj me PSG-në. Kam edhe një vit kontratë dhe do ta respetkoj atë”. Me këto fjalë sulmuesi Kilian Mbape ka hequr veten nga merkatoja e verës. Të paktën përkohësisht.
Mbape është votuar së fundi si lojtari më i mirë i sezonit në Ligue 1. Gjatë ceremonisë ai ka dashur të qartësojë situatën, ka siguruar tifozët e PSG-së, pas dyshimeve që ata kanë për sezonin e ardhshëm, ndërkohë që kërkojnë largimin e emrave të mëdhenj, si Mesi, Nejmar dhe Verrati apo ndonjë tjetër.
Mesi mbetet ende i pavendosur për destinacionin e ri, kurse për Nejmarin ka një garë midis disa klubeve të Premier Ligës. Mbape mbetet dëshira e madhe e Real Madridit, edhe pse dështimi i firmës mes palëve vitin e kaluar e inatosi shumë presidentin Florentino Perez.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.