.png)
“E di si është tani Michael, kam informacione direkt për gjendjen e tij. Raporti im me të ka qenë gjithnjë shumë i ngushtë, me të shoqen Corinna më pak, pasi vinte rrallë në gara. E dimë se situata e tij nuk është e lehtë. Ëndërroj dhe lutem çdo ditë që të mund të përmirësohet”. Në një intervistë për Fox Sports, Felipe Massa, ish-piloti brazilian i Ferrari, ka folur për gjendjen shëndetësore të Michael Schumacher, pas aksidentit të tmerrshëm me ski në Meribel në 29 dhjetor 2013
Nga ajo ditë e mallkuar, familja e ish-pilotit gjerman ka ngritur një mur për të mbrojtur privatësinë e ish-ferraristit për të cilin çdo lajm bën gjithnjë efekt, sidomos kur vijnë nga persona të lidhur ngushtë me të. Si në rastin e Massa, që ka ndarë me 7 herë kampionin e botës të F1 skuderinë e Ferrarit në 2006, viti i fundit i Schumi me Kokëkuqen. “Po kalon një fazë të komplikuar, por duhet ta respektojmë, si kam bërë unë me familjen e tij. Atyre nuk u pëlqen të përhapin informacion, prandaj përse duhet ta bëj unë”?.
Piloti aktual i Formula E flet edhe për Mick Schumacher, i biri që po ndjek hapat e të atit e po mundohet të bëjë përpara në botën e makinave. “Edhe unë jam baba dhe e di mirë çfarë do të thotë një lidhje e tillë. Ëndërroj e lutem çdo ditë që Michael të mund të përmirësohet dhe të mund të kthehet përsëri në një cirkuit, sidomos tani që garon i biri. Mund ta inkurajojë, ta ndjekë, duartrokasë. Do të ishte e mrekullueshme. Lutjet e mia shkojnë në këtë drejtim”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
