.png)
Inspektoriati Shtetëror i Mbikqyrjes së Tregut për periudhën 30 Prill- 6 Maj ka kryer rreth 2,000 inspektime në subjektet që janë lejuar sipas protokolleve përkatëse të ushtrojnë aktivitet në qarkun e Tiranës.
Inspektimet kanë përfshirë kategoritë të subjekteve që operojnë në fushën e tregtimit të produkteve joushqimore, ushqimore dhe shërbimeve të ndryshme.
Deri më tani janë hapur 60 % e bizneseve, por një pjesë e tyre nuk kanë zbatuar me korrektësi protokollin e sigurisë anti covid-19.
Zëvendësministrja e Financave dhe Ekonomisë znj.Belinda Ikonomi gjatë një inspektimi në disa biznese në Tiranë bëri me dije se që nga momenti i daljes së urdhrave të pezullimit për një pjesë të aktiviteteve ekonomike rreth 60% e bizneseve kanë qenë të hapur, por duke ndjekur disa rregulla strikte për ushtrimin e aktivitetit, me qëllim mbrojtjen e punonjësve, por edhe konsumatorëve, por një pjesë e tyre nuk e kanë zbatuar protokollin e sigurisë.
“Gjatë inspektimit konstatuam se ka pasur raste kur protokolli i sigurisë nuk është zbatuar në tërësinë e tij. Në këtë rastë këshilluam biznesin, duke i orientuar ata se në rast mos zbatimit të rregullave do të duhet të përballen me penalitete, pasi nuk mund të rrezikojmë jetën e qytetarëve dhe as të kthehemi pas në mbylljen e aktiviteteve”, tha znj.Ikonomi. Gjithashtu ajo theksoi se është shumë e rëndësishme që të ketë ndërgjegjësim, si nga ana e bizneseve, ashtu edhe nga ana e qytetarëve për zbatimin e masave në fuqi për të garantuar zhvillimin e duhur të aktivitetit ekonomik, si dhe të mbrohet jeta dhe shëndeti.
Ministria e Financave dhe Ekonomisë, së bashku me strukturat e saj të varësisë dhe kryesisht me Inspektoriatin Shtetëror të Mbikëqyrjes së Tregut po ndërmarrin kontrolle në subjektet tregtare në të gjithë vendin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
