.png)
Gazeta Si – Marselo Bielsa ka pranuar ofertën e kombëtares uruguaijane të futbollit. Lajmi është bërë i ditur për ‘Associated Press’ nga Jorge Kasales, pjesëtar i komitetit ekzekutiv të federatës uruguaijane të futbollit.
Ish-trajneri i Lidsit dhe Atletiko Bilbaos do të firmos një kontratë deri në Kupën e Botës 2026. "E vetmja gjë që mungon është firma”, - ka deklaruar Kasales.
Argjentinasi 67-vjeçar do të shkojë këto ditë në Montevideo për formalizimin e kontratës. Ndeshjet e tij të para në krye të Uruguajit do të jenë në qershor, dy miqësoret me Nikaraguan dhe Kupën. Kualifikueset fillojnë në muajin shtator.
Bielsa, ose “El Loco” (I çmenduri) siç e quajnë, ka drejtuar më parë Argjentinën nga 1998-a në 2004-ën dhe Kilin nga 2007-a në 2011-ën. Negociatat mes trajnerit që njihet për lojën sulmuese dhe federatës së Uruguajit zgjatën tre muaj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
