.png)
Një mesazh për kundërshtarin politik artikuluar qartë, me një dorë të shtrirë dha sot nga Asambleja Kombëtare e PS-së, kryeministri Edi Rama.
Ai tha dora e tij mbetet e shtrirë për kundërshtarët dhe e gatshme për të shkruar, duke lënë të hapur mundësinë e një marrëveshje politike.
“Patjetër që ne duam paqe politike, por një paqe për Shqipërinë që duhet të nisë me Shqipërinë dhe jo me karriget dhe duhet të bitiset për Shqipërinë dhe jo për karriget. Dora ime mbetet e shtrirë, gati për të shkruar prapë kur të vijë momenti. Reforma zgjedhore mbetet një sfidë e përbashkët me opozitën parlamentare dhe me opozitën jo parlamentare, e cila ka edhe një vend të lirë bosh që e pret në komisionin e reformës ku është e mirëpritur të ulet”,- u shpreh Rama.
Ai tha ndër të tjera se e vetmja gjë që nuk negocion, është reforma në drejtësi. “Ndërsa reforma në drejtësi as nuk negociohet dhe as nuk diskutohet, vetëm mbështetet. Nuk kam disponimin minimal për asnjë marrëveshje për të ndenjurat e politikanëve dhe për asnjë marrëveshje që rrezikon ose mund të rrezikojë të pengojë drejtësinë të merret me këdo që të jetë subjekt i drejtësisë qoftë djathtas, majtas, në këtë sallë apo kudo tjetër. Borxhi që na ka futur ku na ka futur populli në 30 Qershor nuk shlyhet dot. Qoftë ata që përfunduan aty ku e meritojnë. Ata që kanë hesape me drejtësinë qoftë edhe në këtë familje, i ka individuale dhe duhet ti trajtojë individualisht. Partia jonë nuk ka gatishmëri të mbrojnë, justifikojë, tolerojë askënd që mund të ketë hesape me drejtësinë”. Balkanweb.com
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
