Edhe pse pak muaj më parë, Mali i Zi u cilësua si vendi i parë që triumfoi mbi koronavirusin në Europë, pasi nuk shënoi asnjë të infektuar për javë të tëra, situata në vendin fqinj paraqitet kritike.
Mali i Zi renditet tanimë vendi më i prekur nga pandemia në Europë për nga numri i rasteve të regjistruara në 100 mijë banorë.
Sipas të dhënave të botuara nga Qendra Europiane për Kontrollin e Sëmundjeve, vendi fqinj ka një normë prej 2500 rastesh për 100,000 banorë, i ndjekur nga Armenia dhe Spanja.
Situata paraqitet serioze jo vetëm në Mal të Zi por edhe në rajon, pasi Maqedonia e Veriut rënditet në vendin e 11-të me 2000 të infektuar për 100 mijë banorë, dhe Bosnja dhe Hercegovina është në vendin e 14 me 1800 raste për 100 mijë banorë.
Në bazë të këtyre jtave, Kosova është në vendin e 17-të me 915 raste për 100 mijë banorë, Shqipëria në vendin e 27-të më gati 600 raste.
Sipas shkallës së infeksionit në shtatë ditët e fundit, numri më i lartë i njerëzve të infektuar për 100 mijë banorë u regjistrua në Malin e Zi, Andorra, Republikën Çeke, Belgjikë dhe Holandë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.