Një tjetër shuplakë për Mercedesin, që nuk ka ndërmend ta dorëzojë kurorën, por tashmë ka filluar të dridhet. Në “A1 Ring” të Zeltveg, Maks Vershtapen dhe Red Bull-i kanë siguruar një tjetër sukses pas atij të Francës. Edhe 6 pikë të tjera të fituara ndaj Ljuis Hemiltonit dhe tani, pas 8 garash, diferenca rritet në 18.
Të dielën e ardhshme garohet sërish në këtë pistë, me perspektivën konkrete për bis nga holandezi. Në pod janë ngjitur edhe dy makinat Mercedes, Hemilton dhe Botas, ndërsa Serxhio Perez u rendit i katërti. Vendi i gjashtë dhe i shtatë për dy Ferrarit e Sainz dhe Leklerk, pas MekLarenit të Lando Norris.
Confirmation of an emphatic win for @Max33Verstappen #StyrianGP 🇦🇹 #F1 pic.twitter.com/9xpbf2iDsK
— Formula 1 (@F1) June 27, 2021
Starti ishte i shkëlqyer për Vershtapen që e mbylli Hemiltonin. Probleme pati në start Leklerk, që preku makinën e Gaslit dhe që të dy u kthyen në bokse për të riparuar disa pjesë. Vershtapen dhe Hemilton në krye u shkëputën 15 sekonda nga Perez, ndërsa mes të dyve kishte 3 sekonda diferencë, me holandezin përpara kampionit të botës.
Leklerk me goma të forta arriti të rikuperonte disa pozicione. Vershtapen u kthye në bokse në xhiron e 30-të, një xhiro pas Hemiltonit, dhe u kthye në pistë sërish para anglezit. Piloti holandez vazhdoi ta kontrollonte mirë rivalin. Në xhiron e 55-të Red Bull-i thirri në bokse Perezin për t’i vendosur goma të freskëta, për të tentuar xhiron më të shpejtë që vlen një pikë. Dhe Perez ishte më i shpejti në dy xhirot pasardhëse. Por të nëjjtën gjë bëri Mercedesi me Hemiltonin në xhiron e 70-të dhe anglezi fitoi edhe 1 pikë, pasi kaloi flamurin me kuadrate, që Vershtapen e kaloi i pari.
Klasifikimi i pilotëve:
- Max Verstappen (Ola) 156 pikë
- Leëis Hamilton (GB) 138
- Sergio Pérez (MES) 96
- Lando Norris (GB) 86
- Valtteri Bottas (FIN) 74
- Charles Leclerc (MON) 58
- Carlos Sainz Jr (SPA) 50
- Pierre Gasly (FRA) 37
- Daniel Riçiardo (AUS) 34
- Sebastian Vettel (GER) 30
- Fernando Alonso (SPA) 19
- Lance Stroll (CAN) 14
- Esteban Ocon (FRA) 12
- Yuki Tsunoda (GIA) 9
- Kimi Räikkönen (FIN) 1
- Antonio Giovinazzi (ITA) 1
Klasifikimi i kostruktorëve
- Red Bull-Honda 252 pikë
- Mercedes 212
- McLaren-Mercedes 120
- Ferrari 108
- AlphaTauri-Honda 46
- Aston Martin-Mercedes 44
- Alpine-Renault 31
- Alfa Romeo Racing-Ferrari 2
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.