Gazeta Si – Kampioni në fuqi i botës udhëhoqi garën e Spanjës nga semafori deri në finish. Ferrari në vend të 5-të me Sainz, Leklerk jashtë zonës së pikëve.
Maks Vershtapen ka shtuar edhe një perlë tjetër në gjerdanin e tij të fitoreve të 2023-shit, duke përsëritur suksesin e vitit të kaluar në Spanjë. Ishte një garim gati në perfeksion, që i ka sjellë holandezit fitoren numër 40 në karrierë, vetëm 1 fitore larg Airton Senës.
RACE CLASSIFICATION (LAP 66/66)
— Formula 1 (@F1) June 4, 2023
A fabulous 40th career win for @Max33Verstappen #SpanishGP #F1 pic.twitter.com/k5d79cPOLa
Ljuis Hemilton dhe Xhorxh Rasëll kanë plotësuar podin me vendin e dytë dhe të tretë. Pas tyre makina tjetër Red Bull e Serxho Perez. Në pistën e shtëpisë, Karlos Sainz duhet të kënaqet me vendin e 5-të, duke lënë pas dy makinat Aston Martin të Lens Stroll dhe Fernando Alonso. Vendi i 12-të për ferraristin tjetër, Sharl Leklerk, autor i një gare anonime.
Your top 10 in Barcelona 🇪🇸#SpanishGP #F1 pic.twitter.com/joC529GXhz
— Formula 1 (@F1) June 4, 2023
Sainz provoi ta sulmonte Vershtapenin që në start, por nuk mundi ta kalonte. Holandezi e kontrolloi mirë garën, duke krijuar edhe shkëputje dhe pas futjes në bokse arriti sërish ta ruante kryesimin. Hemilton i rrëmbeu vendin e dytë Sainzit, që më pas u kalua edhe nga Rasëll.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.