Shengeni i vogël Ballkanik duket se ka shkaktuar tensione jo vetëm mes Shqipërisë dhe Kosovës por edhe brenda kabinetit të kryeministrit Edi Rama. Për Ministrin e Diasporës, zotin Pandeli Majko, Shengeni më i rëndësishëm i Shqipërisë është ai me Italinë.
Gjatë prezantimit të një studimi të studentëve shqiptarë në Universitetin e Firences, ish-kryeministri foli gjatë për marrëdhëniet e shkëlqyera të Shqipërisë dhe Italisë, duke falënderuar edhe ambasadorin italian Alberto Cutillo, i cili ishte i pranishëm.
“Kemi dëgjuar këto kohë të flitet për shumë lloje Shengeni në rajon, por mendon se Shengeni më i rëndësishëm i Shqipërisë është ai me Italinë”, tha Majko.
Kjo deklraratë nuk duket rastësi, pasi burime për mediat thonë se në kryesinë e Partisë Socialiste dhe në mbledhjen e qeverisë, ka patur një debat jo shumë të moderuar mes Kryeministrit dhe Ministrit Majko. Ish- Kryeministri gjatë luftës në Kosovë e ka quajtur këtë një lëvizje të gabuar, që dëmton interesat e Kosovës dhe që i jep pikë vetëm propagandës serbe për fqinjësi të mirë.
Debatet kanë qenë të ashpra edhe për faktin se Rama nuk ka pranuar të marrë mendimin e Majkos. Ministri i Diasporës, qe ka qenë ne dilemë nëse duhet të bënte një deklarim publik kundër takimit të Ohrit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.