.png)
Dy në tre francezë nuk shkuan të votojnë në raundin e parë të zgjedhjeve rajonale të zhvilluara të dielën në Francë, duke arritur një rekord negativ sa i takon pjesëmarrjes. Ndërsa është thyer rekordi i ri i abstenimeve, përqindje kaq të ulëta ishin parë vetëm për disa referendume.
Ky element mund të shërbejë si një ngushëllim, si për partinë e Emmanuel Macron, La République En Marche, për të cilën të gjithë menduan se do të shkonte keq, por jo aq keq - duke qëndruar në 10% në të gjithë vendin, i poshtëruar në rajonin e Hauts-de-France – ashtu edhe për formacionin politik të Marine Le Pen, Rassemblement National, e cila bëri shumë më pak se sa pritej dhe për këtë arsye mund të mungojë ajo presidencë rajonale që po kërkon për një kohë të gjatë për t'i dhënë vetes një ton më institucional.
Tani për tani, të vetmit të kënaqur janë njerëzit e të djathtës “Gaulliste”, Republikanët, ose ata që u larguan nga partia e Sarkozy, por qëndrojnë në atë zonë politike si Xavier Bertrand, presidenti i rajonit verior Hauts-de-France, i cili me shumë gjasë do të rikonfirmohet.
Bertrand është protagonisti i kryeveprës politike të ditës dhe nuk është rastësi, që ai ishte ndër të parët që foli, me tone solemne dhe luftarake, tashmë si kandidat për zgjedhjet e ardhshme presidenciale (pranvera 2022): "Pesë vjet më parë, në mbrëmjen e raundit të parë, ne ishim të dytët, 16 pikë prapa Frontit Kombëtar (tani quhet Rassemblement National). Këtë herë, gratë dhe burrat e rajonit të Hauts-de-France, na kanë vendosur qartë në epërsi. Mirënjohja ime e thellë shkon për ta. Ne i goditëm Rassemblement National”.
Sipas vlerësimeve fillestare, Bertrand arrin 44% të votave, kryesisht përpara kandidatit “lepenist”, Sébastien Chenu, i cili qëndron në 24.4%, që sondazhet e parashikuan më lart.
Në pozicionin e tretë, renditet kandidatja ekologe e mbështetur nga e majta, Karima Delli me 18%. Lista e Laurent Pietraszewskit, e mbështetur nga Lrem, partia e Macron, nuk e kalon pragun prej 10% dhe për këtë arsye nuk kualifikohet në raundin e dytë.
Kjo është një arsye tjetër për kënaqësinë dhe poshtërimin e Bertrand për shumicën presidenciale.
Në mënyrë që të dobësohej Bertrand dhe të zvogëloheshin ambiciet e tij për Elysée, në fushatën elektorale ishin përdorur për Pietraszewskin, emra të rëndësishëm si ministri i Brendshëm, Gérald Darmanin, ose ai i Drejtësisë, Eric Dupond-Moretti. Ata u futën në listë, por u refuzuan në raundin e parë.
Ashtu si Macron, e preferuara tjetër për zgjedhjet presidenciale të vitit 2022, Marine Le Pen, gjithashtu ka një rezultat të keq.
Por nëse Macron e kishte pritur atë, për Marine Le Pen është një surprizë. Sondazhet i kishin parashikuar njerëzit e saj në epërsi në të paktën pesë rajone, por vetëm Paca (Provence-Alpes-Côte d'Azur) mbetet brenda mundësive të tij, ku ish-ministri i Sarkozy, Thierry Mariani, i mbështetur nga Rassemblement National, nuk është akoma jashtë garës kundër Renaud Muselier, një kandidat i së djathtës i mbështetur nga “makronistët”.
Mariani, megjithatë, nuk është më favoriti dhe skenari i zgjedhjeve të mëparshme rajonale mund të përsëritet, kur Marine Le Pen nuk mori vota as për presidencën.
Në raundin e parë, partitë e vjetra fitojnë: e djathta (29%) dhe e majta socialiste (18%), ndërsa “Rn” bie në 19% dhe Lrem në 10%. Të dielën do të votohet për raundin e dytë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
