Një 62-vjeçar ka mbetur i vrarë dhe djali i tij është plagosur pas një konflikti të çastit të ndodhur pak para mesnatës në Lushnjë.
Ngjarja ka ndodhur në fshatin Fier i Ri në lokalin e viktimës, Rako Qorri, ndërsa djali i tij, Kejdi Qorri, 31 vjeç është plagosur. I riu ndodhet në Spitalin e Lushnjës nën kujdesin e mjekëve.
Autori i dyshuar, Sofokli Shani, 57 vjeç u konfliktua me 62-vjeçarin dhe e qëlloi me kallashnikov, duke e lënë të vdekur në vend.
Drejt vendngjarjes shkuan menjëherë forcat policore, duke bërë të mundur arrestimin e autorit të dyshuar, Sofokli Shani. Atij iu sekuestrua edhe arma e krimit, një kallashnikov.
Grupi hetimor nën drejtimin e Prokurorisë ndodhet në vendngjarje dhe po punon për zbardhjen e plotë të rrethanave të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.