.png)
Pas këshilltarëve bashkiakë, Lëvizja Socialiste për Integrim po nis të humbasë edhe deputetët. I pari që dha sinjalin ishte Robert Bitri, i cili ka marrë mandatin e deputetit në Qarkun e Fierit.
Ai nuk pranoi të largohej nga Parlamenti sic bëri grupi i tij parlamentar, ndërkohë që një ditë më parë kishte dhënë dorëheqjen e parevokueshme nga posti i kryetarit të LSI-së për degën e Fierit.
Ndonëse mohoi se do t’i bashkohet Partisë Socialiste, Bitri është pjesë e një grupi që prej disa javësh flitet se do t’i shkëputet LSI-së për të kaluar me partinë në pushtet.
Kundërshtinë me partinë e tij e kishte paraqitur edhe më herët, kur refuzoi mosbindjen civile dhe u paraqit në komisionet e Kuvendit.
Në protokollin e Kuvendit të enjten nuk kishte mbërritur ndonjë kërkesë e deputetit Bitri për t’u larguar nga grupi parlamentar i LSI-së, por kjo tashmë duket se është vetëm një formalitet.
Këto zhvillime vijnë pasi Lëvizjen Socialiste për Integrim e braktisën edhe disa dhjetëra këshilltarë bashkiakë, në shumë qytete si Shkodra, Puka, Vlora, Korca, Fieri, Elbasani dhe Gjirokastra.
Si.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
