Ministri i Brendshëm Sandër Lleshaj bëri sot edhe një përpjekje të fundit në drejtim të “ndërgjegjësimit” në radhët e maxhorancës, kundër fishekzjarrëve dhe mjeteve të tjera shpërthyese, të cilat dikasteri i tij kërkon t’i ndalojë për këto festa. “Ndalimi i përdorimit të lëndëve të rrezikshme piroteknike është shërbim ndaj sigurisë publike dhe jetës njerëzore. Ithtarët e eksplozivëve duhet të kuptojnë se në vendet normale, festat nuk bëhen as me shpërthime as me armë”, shkruan Lleshaj në një postim në Twitter.
Fishekzjarrët apo kapsollat janë kthyer në një problem tejet shqetësues në Shqipëri veçanërisht në kohën e festave të fundvitit. Jo rrallë herë gjatë ndërrimit të viteve nga shpërthimet e kapsollave apo dhe fishekzjarrëve në çdo cep të Shqipërisë janë shoqëruar me të plagosur.
Shitja e pakontrolluar dhe fakti që pranohet se ato në shumicën e rasteve hyjnë kontrabandë, kishte detyruar paradoksalisht qeverinë “Rama” të dilte me propozime të kundërta, njëra që të bllokonte importimin dhe shitjen dhe tjetra që të hiqte akcizën e këtyre mallrave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.