.png)
Një litar për të varurit, që të kujton linçimin e Ku Klux Klan është gjetur në garazhdin e cirkuitit Nascar në Talladega, të Alabamas, i destinuar për të vetmin pilot afro-amerikan të kampionatit, Bubba Wallace. Organizatorët e garës, shumë popullore në jug të Shteteve të Bashkuara, paraqitën një denoncim për “krim urrejtje”. “Kemi hapur një hetim të menjëhershëm dhe do të bëjmë gjithçka që është e mundur për të identifikuar përgjegjësit dhe ti përjashtojmë”, kanë deklaruar ata.
Bubba Wallace, një pilot 26 vjeçar shumë i përkushtuar në luftën kundër pabarazive raciale në SHBA, ka mbështetur kohët e fundit vendimin e Nascar për të ndaluar flamurin e konfederatës, ende shumë e përhapur në Amerikë, por që shumica e opinionit publik e lidh sot me racizmin e skllavërinë.
Piloti është shprehur në Twitter “jashtëzakonisht i trishtuar” për këtë “akt të shëmtuar racizmi”. “Nuk do të më thyejnë”, ka thënë ai. “Nuk do të dorëzohem kurrë”. Gara e Nacar e të dielës në Talladega, që do të ishte e para e sezonit që do të mirëpriste publikun pas ndërprerjes për shkak të epidemisë së Covid-19, është shtyrë për të hënën për shkak të stuhisë. Përpara shtyrjes, një avion me flamurin gjigant të konfederatës kishte fluturuar mbi cirkuit: një incident i dënuar ashpër nga organizatorët e garës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
